Në qytetin e Sarandës, në jug të Shqipërisë, po kryhen punimet e fundit në Portin detar për të pritur anijet e mëdha turistike. Disa mijëra vizitorë do të kenë mundësi të zbresin në tokë me përfundimin e një kalate të re të ketij porti. Më parë përpunimi i këtyre anijeve realizohej me varka të vogla në det të hapur. Korrespondenti i Zërit të Amerikës, Raimond Kola, njofton se sezoni turistik tashmë ka filluar, por me një ritëm të ulët krahasur me një vit më parë.