Lidhje

Presidenti Obama fton udhëheqësit demokratë dhe republikanë të Kongresit për bashkëpunim


Presidenti Obama fton udhëheqësit demokratë dhe republikanë të Kongresit për bashkëpunim
Presidenti Obama fton udhëheqësit demokratë dhe republikanë të Kongresit për bashkëpunim

Presidenti amerikan Barak Obama ka ftuar udhëheqësit republikanë dhe demokratë të Kongresit për të gjetur mënyra bashkëpunimi për çështjet kryesore, pasi republikanët morën kontrollin e Dhomës së Përfaqësuesve në zgjedhjet e mes-mandatit për kongres.

Duke folur pas një mbledhjeje të kabinetit sot, zoti Obama tha se u kishte bërë thirrje dy republikanëve kryesorë, udhëheqësit të pakicës në senat, Miç Mekonëll dhe përfaqësuesit Xhon Beinër, për t’u takuar me kreun e shumicës në senat, demokratin Heri Rid dhe kryetaren e Dhomës së Përfaqësuesve Nensi Pelosi në Shtëpinë e Bardhë me 18 nëntor. Zoti Beinër pritet të zgjidhet kryetari i ri i Dhomës së Përfaqësuesve në kongresin e ri që fillon punën në janar.

Zoti Obama tha se në takim do të diskutohet se çfarë duhet bërë për trajtimin e çështjes urgjente të ekonomisë para se të fillojë punën kongresi i ri. Ai tha se është e rëndësishme të ecet përpara, meqë amerikanët nuk duan që qeveria e tyre të bllokohet nga debatet partiake pa zgjidhur asgjë.

Ndërkohë, senatori Miç Mekonëll ka përsëritur qëndrimin e partisë së tij për të mos i dhënës presidentit Obama një mandat të dytë, për të shmangur veton presidenciale për legjislacionet e mbështetura nga republikanët.

XS
SM
MD
LG