Princi Harry i Britanisë viziton Murin e Berlinit

Princi Harry i Britanisë vizitoi sot Murin e Berlinit, simbol i ndarjes së Gjermanisë gjatë Luftës së Ftohtë dhe i ribashkimit të saj. Vizita ishte një gjest për të nderuar gjermanolindorët që u vranë në përpjekje për kaluar murin, për t’i shpëtuar sistemit komunist. Rreth 136 persona u vranë, në përpjekje për të kaluar Murin e Berlinit, i cili u ndërtua në vitin 1961 dhe u shemb më 1989, kur Gjermania Lindore e hapi kufirin. Në një kurorë të vendosur nga princi 26-vjeçar tek një memorial i Berlinit, shkruhej: “Për të gjithë ata që kanë bërë sakrificën sublime në kërkim të lirisë.”