Pronarët e taksive në Greqi filluan një raund të ri protestash sot, pasi dështuan negociatat me qeverinë për ligjin e ri për liçensat.
Dështimi i bisedimeve dje erdhi ndërsa shoferët bllokuan autostradat kryesore që të çojnë në aeroporte dhe porte, duke penguar trafikun dhe duke ndërprerë planet e turistëve.
Shoferët rrethuan Ministrinë e Transportit, me kreun e sindikatave të taksive që deklaroi se greva do të vazhdojë pafundësisht.
Greva ka vazhduar për 16 ditë pa asnjë zgjidhje në horizont.