Lidhje

Protesta të reja tek Liqeni Artificial kundër ndërtimeve në park


Protesta e sotme e veprimtarëve të mjedisit pranë Liqenit Artificial nisi duke u dhënë lule policëve të bashkisë.

Ambjentalistët po përpiqen të pengojnë ngritjen e një kantieri ndërtimi me konstruksione hekur e beton në mes të parkut të liqenit, ku bashkia ka vendosur për një kënd lojërash për fëmijët.

Tiranë: Sërish dhunë dhe arrestime tek protesta e mjedisorëve
please wait

No media source currently available

0:00 0:03:20 0:00

Protestuesit kishin njoftuar se do të ngrinin në atë shesh ndërtimi një çadër për të penguar planet e bashkisë.

Por ata gjetën aty një numër të konsiderueshëm policësh të rendit dhe të bashkisë, që i ndaluan ta ngrinin çadrën. Më pas policia nisi me ndalimet e veprimtarëve më të spikatur.

Pak metra më tutje kryetari i bashkisë, Erjon Veliaj mbolli disa fidanë qershie, në shenjë të vendosmërisë që ta shndërrojë Parkun e Liqenit Artificial në një qendër çlodhëse dhe argëtuese për të gjitha moshat.

Protestat e organizatave të mjedisit ai i quajti thjesht përpjekje për të penguar projektet e zhvillimit të parkut.

Protestat e veprimtarëve te parku i Liqenit Artificial po vazhdojnë prej disa javësh, qyshkur u mësua se atje bashkia po ngre një kënd lojërash.

Ata dyshojnë se, në mungesë të plotë të transparencës mbi këto projekte, lojërat e fëmijëve do të ngrihen mbi platforma hekuri e betoni. Sipas tyre, pasi të priten një numër i konsiderueshëm pemësh, kjo do të hapë rrugën ndërtimit të lokaleve dhe restoranteve.

Bashkia i ka hedhur poshtë këto akuza dhe ka shprehur vendosmërinë për të çuar deri në fund planet e veta.

Mendimi juaj

Trego komentet

XS
SM
MD
LG