Partia Socialiste bëri sot të ditur se do t'i përmbahet njoftimit për të zhvilluar ditën e premte tubimin homazh për 3 vitkimat e dhunës se 21 janarit.
Kryetari i Partisë Socialiste, Edi Rama, tha në një konferencë shtypi se falenderonte ndërkombëtarët për kujdesin që po tregojnë për Shqipërinë në këtë situatë të vështirë. Por nga ana tjetër, ai u bëri thirrje të vijnë të premten në 28 janar gjithë ata qytetarë që dëshirojnë të nderojnë 3 të vrarët e demonstratës së kaluar, duke respektuar zakonet e vendit.
Ai përsëriti akuzat për dhunë shtetërore, duke thënë se Shqipëria është marrë peng nga nje grup zyrtarësh të korruptuar. Zoti Rama tha se opozita do të vazhdojë të kundërshtojë maxhorancën e sotme me vendosmëri, me kërkesën kryesore për zgjedhje tv parakohëshme.
