Zona malore në veri të Shqipërisë vazhdon të ketë ritme të uleta të zhvillimit të ekonomisë, krahasuar me pjesën tjetër të vendit, kjo edhe për shkak të investimeve të pakta. Në kronikën e tij, korrespondenti i Zërit të Amerikës, Pëllumb Sulo, flet për një biznesmen nga Tirana, Xhimi Begeja, i cili vitet e fundit ka investuar në qytetin e Pukës në fushën e turizmit. Biznesmeni Begeja është edhe një nga 6 alpinistët shqiptarë, që në 100 vjetorin e Pavarësisë, u ngjitën në majën më të lartë të Botës, ne Everest.