Zgjedhjet e së dielës në veriun e Mitrovicës, ku fitues doli kandidati i mbështetur nga Beogradi, i dhanë fund procesit të votimeve për pushtetin komunal në Kosovë, ku për herë të parë u përfshinë komunat veriore të banuara me shumicë serbe. Zbatimi i rezultateve të zgjedhjeve ndërkaq pritet të përballet me sfidën e krijimit të asociacionit të komunave me shumicë serbe, një mekanizëm i paraparë me marrëveshjen për normalizimin e marrëdhënieve ndërmjet Kosovës dhe Serbisë.