Shtetet e Bashkuara thonë se kanë ndërmarrë sulmin e parë me avionë pa pilot në Libi, ndërkohë që kryengritësit thonë se forcat pro-qeveritare duket se po i japin fund rrethimit të një baze të kryengritësve pranë Tripolit.
Në një njoftim të Departamentit amerikan të Mbrojtjes thuhet se sulmet ajrore u kryen sot, por pa përcaktuar vendin e goditjes. Sulmi është pjesë e përpjekjeve të NATO-s për të zbatimin e zonës së ndalim-fluturimeve mbi Libi, ku kryengritësit po luftojnë për përmbysjen e qeverisë.
Në Misrata kryengritësit thanë se u vranë të paktën 15 njerëz në përleshjet e tyre me forcat besnike të udhëheqësit libian Moamar Gadafi Megjithatë, kryengritësit thanës e forcat pro Gadafit duket se po tërhiqen nga qyteti.
Po sot, forcat e NATOs bombarduan një zonë pranë kompleksit të Gadafit në Tripoli, duke qëlluar një istalim ushtarak, siç e përshkruan atë gazetarët. Nuk ka patur njoftime për dëme në njerëz.