Sondazhi në Shqipëri: 34.7% e të anketuarve besojnë se do të ketë zgjedhje të lira

Në Shqipëri koalicioni i vëzhguesve lokal i cili përfaqëson grupimin e mbi 15 organizatave të ndryshme, u shpreh sot i shqetësuar për klimën e nxehtë politike dhe pasojat e saj në procesin e zgjedhjeve vendore. Në raportin paraprak të vëzhguesve janë identifikuar një sërë problemesh që nga ato që lidhen me Komisionin qëndror të zgjedhjeve dhe funskionimin e tij, listat e zgjedhësve, pjesmarrjen e gruas apo dhe rolin e mediave në mbulimin e fushatës. Ndërkohë që nje sondazh i realizuar nga Instituti për studime ndërkombëtare nxjerr në pah se vetëm 34.7 përqind e të anketuarve besojnë se do të ketë zgjedhje të lira, ndërsa votuesit më shumë se sa programeve i besojnë cilësive të kandidatit dhe partive politike në garë.