Në Shqipëri, Komisioni Qëndror i Zgjedhjeve shtyu sot marrjen e një vendimi për djegien e fletëve të votimit. Përfaqësuesi i Partisë Demokratike i kërkoi komisionit shtyrjen duke qenë se, siç tha ai, bisedimet mes palëve nuk janë mbyllur dhe e djathta është në pritje të një përgjigjeje nga socialistët ndaj ofertës që i është bërë kësaj partie. Vendimi i sotëm i Komisionit Qëndror të Zgjedhjeve le hapësira që të paktën në ditët e ardhshme palët të mund të përpiqen për një zgjidhje.