Në Shqipëri është kujtuar sot tre vjetori i tragjedisë së Gërdecit ku nga shpërthimi në një fabrikë të demontimit të municioneve, humbën jetën 26 persona, mes të cilëve edhe disa fëmijë, si dhe u plagosën afër 300 të tjerë. Banorë të zonës dhe familjarët e viktimave zhvilluan sot homazhe pranë vendit të shpërthimit, ndërsa pasdite opozita nisi aty protestën e radhës kundër qeverisë. Tre vjet pas shpërthimit procesi gjyqësor për ngjarjen vazhdon me zvarritje të panumërta dhe asnjë nga personat e dyshuar si përgjegjës nuk ndodhet më në qeli.
