Shqipëri, ligji për administrimin e mbetjeve rikthen polemikat e forta në parlament

Në Shqipëri sot ligji për administrimin e mbetjeve, i cili parashikon edhe importimin e tyre riktheu polemikat e forta për këtë çështje në sallën e parlamentit. Ligji u kthye pas nga presidenti Bamir Topi, i cili kundërshtoi pikërisht nenet që lejonin importin. Shumica përsëriti sot qëndrimin sipas të cilit vendimi i presidentit kishte qenë një lëvizje politike, duke konfirmuar se do ta rivotojë atë pa asnjë ndryshim. Për socialistët ndërkaq ligji jo vetëm që nuk zgjidh trajtimin e mbetjeve brenda vendit po rrezikon, sipas tyre, që ta kthejë atë në një depozitë të plehrave të Europës.