Parlamenti në Tiranë sapo zgjodhi kryetarin e ri të Kontrollit të Lartë të Shtetit, zotin Bujar Leskaj.
Kandidimi i zotit Leskaj u miratua me 70 vota të deputetëve. Ky ishte emri i dytë që presidenti Topi, i dërgoi parlamentit, pas rrëzimit të zotit Sali Shehu.
Një debat i ashpër u zhvillua sot për privatizimin e kompanisë së naftës Albpetrol. Parlamenti miratoi me 72 vota propozimin e qeverisë për privatizim të plotë të Albpetrolit.
Por opozita këmbënguli në një debat prej shumë orësh për të ndryshuar formulën e privatizimit, dhe për të rritur transparencën e këtij procesi.