Aktivistë sirianë thonë se një makinë bombë vrau dje 18 njerëz në Sirinë veriore.
Observatori për të Drejtat e Njeriut me seli në Londër njoftoi se shpërthimi, që ndodhi në provincën Idlib kishte në shënjestër ushtarë sirianë.
I dërguari i ri i Kombeve të bashkuara dhe Lidhjes Arabe për Sirinë, Lakdar Brahimi, shkon sot në Damask për një takim me Presidentin Bashar al-Assad. Zoti Brahimi tha se objektivi i tij në Siri do të jetë i vështirë, por ai do të bëjë ç’është e mundur për të ndihmuar sa më shumë popullin sirian.
OKB-ja dhe Lidhja Arabe nuk kanë bërë përparim lidhur me arritjen e një armëpushimi në Siri si dhe për fillimin e bisedimeve mbi një qeveri kalimtare.
Shefja e Politikës së Jashtme të Bashkimit Evropian, Catherine Ashton tha se bota është bllokuar lidhur me çështjen e Sirisë, madje ajo paralajmëroi për më shumë akte radikale dhe të dhunshme.
Zonja Ashton tha në Parlamentin Evropian se në Siri ekziston një ngecje e rrezikshme. Ajo tha se opozita është e shpërndarë dhe se nuk ekziston një alternative reale për regjimin e al-Assadit.
Luftimet 18 mujore mes forcave qeveritare dhe kryengritësve, që përpiqen të përmbysin qeverinë e Presidentit al-Assad, kanë shkaktuar rreth 20 mijë të vdekur, gati të gjithë civilë. Më shumë se 1 milion njerëz kanë ikur nga shtëpitë e tyre.
Observatori për të Drejtat e Njeriut me seli në Londër njoftoi se shpërthimi, që ndodhi në provincën Idlib kishte në shënjestër ushtarë sirianë.
I dërguari i ri i Kombeve të bashkuara dhe Lidhjes Arabe për Sirinë, Lakdar Brahimi, shkon sot në Damask për një takim me Presidentin Bashar al-Assad. Zoti Brahimi tha se objektivi i tij në Siri do të jetë i vështirë, por ai do të bëjë ç’është e mundur për të ndihmuar sa më shumë popullin sirian.
OKB-ja dhe Lidhja Arabe nuk kanë bërë përparim lidhur me arritjen e një armëpushimi në Siri si dhe për fillimin e bisedimeve mbi një qeveri kalimtare.
Shefja e Politikës së Jashtme të Bashkimit Evropian, Catherine Ashton tha se bota është bllokuar lidhur me çështjen e Sirisë, madje ajo paralajmëroi për më shumë akte radikale dhe të dhunshme.
Zonja Ashton tha në Parlamentin Evropian se në Siri ekziston një ngecje e rrezikshme. Ajo tha se opozita është e shpërndarë dhe se nuk ekziston një alternative reale për regjimin e al-Assadit.
Luftimet 18 mujore mes forcave qeveritare dhe kryengritësve, që përpiqen të përmbysin qeverinë e Presidentit al-Assad, kanë shkaktuar rreth 20 mijë të vdekur, gati të gjithë civilë. Më shumë se 1 milion njerëz kanë ikur nga shtëpitë e tyre.