Lidhje

S&P: Vendimi për uljen e klasifikimit të kreditit të SHBA bazohet mbi kriteret


S&P: Vendimi për uljen e klasifikimit të kreditit të SHBA bazohet mbi kriteret
S&P: Vendimi për uljen e klasifikimit të kreditit të SHBA bazohet mbi kriteret

Agjencia ndërkombëtare e analizimit të tregjeve Standard and Poor’s thotë se vendimi i saj për të ulur klasifikimin për kreditin e Shteteve të Bashkuara bazohej në të njëjtën analizë me 5 kritere që përdor kjo agjenci për analizimin e tregjeve të 126 vendeve të tjera.

Agjencia tha se pas analizimit të fundit rezultoi se Shtetet e Bashkuara renditeshin tani një shkallë më poshtë në dy prej pesë kritereve, ndër të cilat rreziku politik si dhe ai fiskal, përfshirë barrën e borxhit. Klasifikimi aktual i Shteteve të Bashkuara mbetet i qëndrueshëm lidhur me strukturën e përgjithshme ekonomike, rreziqet e jashtme dhe politikat monetare.

David Beers, kreu i Agjencisë Standard and Poor’s për klasifikimet, thotë se përplasjet politike lidhur me ngritjen e tavanit të borxhit dhe uljen e shpenzimeve buxhetore nxorën në pah atë që ai e cilësoi si “mjedis më i pasigurtë politik” gjë që rezultoi në uljen e klasifikimit në kriterin e rrezikut politik. Ai tha se parashikimet që borxhi i qeverisë amerikane do të rritet me 20 trilionë dollarë gjatë 10 vjetëve të ardhshëm bënë që agjencia të ulte klasifikimin edhe në kriterin rrezikut fiskal të tregut.

XS
SM
MD
LG