Të dielën në Serbi do të mbahen zgjedhjet e jashtëzakonshme parlamentare, të cilat cilësohen me rëndësi për procesin e reformave që duhet të pasojnë hapjen e negociatave të saj për anëtarësim në Bashkimin Evropian. Hapja e këtyre negociatave pasoi angazhimin e saj në procesin e normalizimit të marrëdhënieve me Kosovën. Zgjedhjet serbe pritet të mbahen edhe në Kosovë dhe operacioni do të zhvillohet nga Misioni i Organizatës për Siguri e Bashkëpunim në Evropë.
