Lidhje

Talebanët hapin dritën jeshile për Kryqin e Kuq


Afganistan, tetor 2015

Talebanët në Afganistan kanë tërhequr urdhrin që kishin nxjerrë kundër Kryqit të Kuq dhe operacioneve të tyre humanitare. Në një njoftim sot, talebanët bënë të ditur se garantojnë sigurinë e stafit të Kryqit të Kuq gjatë aktivitetit të tyre në Afganistan.

Një zëdhënës i Kryqit të Kuq tha po sot se organizata kishte rifilluar aktivitetin në Afganistan.

Në prill, talebanët nxorën një urdhëresë ku ndalonin operacionet e Kryqit të Kuq Ndërkombëtar dhe Organizatës Botërore të Shëndetit duke i akuzuar këto organizata për “aktivitete të dyshimta” që lidheshin me fushatat e vaksinimit.

Njoftimi i sotëm nuk përmend aktivitetin e Organizatës Botërore të Shëndetësisë, e cila ka qenë e përfshirë në një fushatë vaksinimi kundër poliomelitit. Afganistani është një ndër vendet e pakta në botë ku vazhdojnë të shfaqen raste të reja infektimi me poliomelit.

Talebanët kontrollojnë gjysmën e 410 distrikteve të Afganistanit.

Facebook Forum

XS
SM
MD
LG