Në Shqipëri presidenti Bamir Topi theksoi sot se zgjedhjet vendore duhet të mbahen në afatin e paracaktuar, më 8 maj dhe askush nuk duhet të ketë iluzione se mund të shtyhen. Këtë qëndrim ai e shprehu në takimin që pati me ambasadorin e OSBE-së në Tiranë Eugen Wollfarth. Komentetet e presidentit Topi vijnë ne një situatë kur opozita vlerëson se sipas saj, në kushtet aktuale nuk mund të zhvillohen zgjedhje të lira e të ndershme. Nga ana e tij kryeministri Sali Berisha tha sot se askush nuk do të mund të bllokojë zgjedhjet për pushtetin vendor.
