Lidhje

Trajtimi i artritit reumatik


Artriti reumatik është një sëmundje e sistemit imunitar, në të cilën trupi sulmon kyçet e veta, duke rezultuar në dhimbje të padurueshme, ënjtje dhe vështirësi në lëvizje. Sëmundja ka prekur miliona njerëz në mbarë botën, por diagnostikimi i hershëm mund t’i lejojë mjekët të ngadalësojnë ose të ndalin përparimin e sëmundjes.

Sue Arnott vuan nga artriti reumatik. Simptomat e saj të para filluan kur ajo ishte vetëm 22 vjeç.

“Filloi një natë. Kur shkova të flija isha mirë, por u zgjova natën duke qarë sepse më dhimbnin shumë kyçet e duarve” thotë ajo.

Që atëherë, Sue ka bërë katër operacione për proteza në gju dhe operacione të shumta për duart dhe këmbët.

Por mostrat e indeve si këto, të marra nga një grua që vuan nga simptomat e hershme të artritit reumatik mund të lejojnë studiuesit të parandalojnë përparimin e sëmundjes.

“Shikohet mostra e marrë, histologjia, mikrobiologjia, grafitë, dhe analizohen të gjitha karakteristikat, siç bëhet me kancerin e gjirit. Pastaj trajtimi i përshtatet llojit të kancerit. Kështu bëhet edhe me artritin reumatik” thotë Chris Buckley, i spitalit “Queen Elizabeth”.

Haley Rose është pjesë e një brezi të ri pacientësh me artrit. Ajo u diagnostikua në moshën 24 vjeçare.

Edhe nëna e saj ishte prekur, por për shkak të ndërhyrjes së hershme, Haley po e lufton me trajtim agresiv.

“E di se jam nën kontroll tani, kështu që sapo shoh të ënjtura, mund të vij dhe të marr trajtim. Problemi me nënën është se ajo nuk u trajtua herët e ashtu siç duhej, prandaj shumica e dëmit ndodhi në fillimet e sëmundjes,” thotë Haley.

Ata që ndjekin hulumtimet rreth ndërhyrjes së hershme thonë se parandalimi mund të jetë mënyra më e mirë për të ndaluar efektet shkatërruese.

“Është një sëmundje e cila ka qenë e pamundur të kurohej pas shumë e shumë dekadash hulumtimi. Mendoj se shërimi i pacientëve me artrit reumatik është synimi i shumë studiuesve, por deri tani ka qenë e pamundur. Përpjekjet për të parandaluar sëmundjen janë një tjetër strategji për trajtimin e saj.” thotë profesor Karim Raza.

XS
SM
MD
LG