Marina amerikane pritet të dërgojë një ekip ekspertësh të kërkimit në ujrat e thella, në përpjekje për të gjetur aeroplanin e transportit që u rrëzua në perëndim të Oqeanit Paqësor në nëntor.
Marina njoftoi se ndërsa " dihet pozicioni i fundit i avionit në sipërfaqen e ujit, thellësia e oqeanit në atë zonë i tejkalon 5 mijë metrat si dhe aftësitë e shpëtimit që ndodhen aktualisht në terren”.
40 minuta pas rrëzimit të avionit, u arritën të shpëtohen tetë vetë ndërsa tre marinarë rezultojnë të humbur.
Në deklaratën e marinës amerikane thuhej se "do të bëhet çdo përpjekje për të gjetur trupat e marinarëve".
Ekspertët e kërkimit nga Uashingtoni do të ndalojnë fillimisht në një anije shpëtimi japoneze dhe pastaj do të nisin punën në vendin ku u rrëzua avioni.
Nuk dihen ende arsyet e rrëzimit të tij ndërkohë që hetimi mbi këtë çështje vazhdon.
Facebook Forum