Në Kosovë dje u mbajtën zgjedhje të jashtëzakonshme në Rahovec, komunë në pjesën perëndimore të vendit.Të cilësuara si një sprovë para zgjedhjeve të jashtëzakonshme parlamentare të 12 dhjetorit, këto zgjedhje janë vlerësuar si premtuese me gjithë problemet e trashëguara nga zgjedhjet e mëparshme. Zgjedhjet në Rahovec, pasuan zhvillime që u cilësuan si antikushtetuese, ndërsa veprime të tilla kushtëzuan edhe zgjedhjet e jashtëzakonshme të 12 dhjetorit. Ekspertët thonë se rruga deri tek ato zgjedhje është përshkuar nga shumë veprime që dëmtojnë sistemin kushtetues e juridik të vendit.