Live Blog: SHBA, Obama fiton zgjedhjet

Sipas parashikimeve të deritanishme, kandidati republikan Mitt Romney ka fituar 160 vota elektorale, ndërsa zoti Obama 143. Zoti Romney ka fituar shtetin e Jutas (6 vota elektorale), ndërsa zoti Obama shtetet e Pensilvanisë dhe Nju Hamshër, që konsideroheshin shtete të lëkundura.

Kandidati republikan, Mitt Romnet fiton në shtetin e Arizonës që ka 11 vota elektorale. Rezultati i deritanishëm sipas parashikimeve është 171 vota elektorale për zotin Romney, 148 për Presidentin Barack Obama.

Presidenti i ardhshëm i Shteteve të Bashkuara do të duhet të punojnë me një Dhomë të Përfaqësuesve të kontrolluar nga republikanët.

Kjo do të thotë që ligjvënësi republikan John Boehner nga shteti i Ohajos ka të ngjarë të mbajë postin e tij si kryetar i Dhomës së Përfaqësuesve, ndërsa ligjvënësi Eric Cantor nga shteti i Virxhinias priet të mbetet udhëheqësi i shumicës.

Nga 435 vendet e Dhomës së Përfaqësuesve demokratëve do t'u duhej të fitonin 25 vende për të marrë kontrollin.

Disa gara kyçe për në Senatin e SHBA ende janë pa rezultat, edhe pse demokratët korrën disa fitore kyçe në Massachusetts, Ohajo dhe Indiana.

Zgjedhësit votuan për 33 vende në Senatin prej 100 vendesh të kontrolluar aktualisht nga Partia Demokratike. Republikanëve do t'u duhej të fitonin 4 vende për të marrë kontrollin e Senatit.