Lidhje

Spanjë: Costa del Sol nën kërcënimin e zjarreve


Zjarri ka dëmtuar rëndë kodrat rreth vendpushimit të njohur Marbella, 36 kilometra larg Malagës

Zjarret që kanë përfshirë mbarë Evropën jugore për shkak të thatësirës së madhe, kanë shkaktuar dëme edhe në rajonin e famshëm të Spanjës, Costa del Sol. Përreth qytetit Coin, pranë Malagës, mund të shihej tymi që dilte nga malet.

Punonjësit e shpëtimit dhe avionët e emergjencës vazhdojnë të hedhin ujë për shuarjen e zjarreve që kanë mbetur aktivë. Dimri i thatë i këtij viti i pasuar nga vera me temperatura tepër të larta e kanë shkaktuar në pjesën më të madhe të Spanjës thatësirë të madhe. Dje u njoftua për një të vdekur dhe rreth 4 mijë persona të shpërngulur nga shtëpitë e tyre për shkak të zjarreve të fuqizuara nga era e fortë.

Zjarri ka dëmtuar rëndë kodrat rreth vendpushimit të njohur Marbella, 36 kilometra larg Malagës. Në total, këtë vit në Spanjë janë djegur 1 mijë e 500 kilometra katrore nga rreth 12 mijë zjarre.
XS
SM
MD
LG