Ekspozitë fotografike në Shkodër

Ekspozita fotografike "Integrimi i shqiptarëve në vendet e Bashkimit Europian", e fotografit të njohur Roland Tasho, pasqyron nje pjesë të shqiptarëve, qe me punën e tyre janë bërë të suksesshëm në mjaft vende të Europës. Prej 10 vitesh, fotografi Tasho udhëton në Europë dhe Amerikë për të pasqyruar jetën dhe punën e shumë figurave të njohura të emigracionit shqiptar. Fotoekspozita e hapur këto ditë në Shkodër do të udhëtojë në disa qytete të Shqipërisë për të treguar se emigrantët shqiptarë janë edhe ura lidhëse mes vendlindjes dhe Europës.