Protestë kundër korrupsionit në Prishtinë

Në Prishtinë, qindra qytetarë morën pjesë në një protestë kundër korrupsionit. Protesta, që filloi me kundërshtimin e faturave të energjisë elektrike dhe akuzat ndaj Korporatës Energjetike të Kosovës për rritje artificiale të vlerës së faturave, u shndërrua në protestë kundër keqqeverisjes së vendit. Autoritetet thonë se po marrin masa për të shmangur çdo dëmtim të interesave të qytetarëve dhe janë vënë në zbatim të proceseve që synojnë rimëkëmbjen ekonomike të vendit.