Liria e shprehjes në Maqedoni

Përfaqësuesi i posaçëm i Organizatës së Kombeve të Bashkuara për lirinë e shprehjes, Frank La Rue, ka shprehur shqetësim lidhur me gjendjen e medias në Maqedoni. Pasi ka analizuar për tre ditë gjendjen në Maqedoni, ai tha se mjetet e informimit, në veçanti ato kritike ndaj pushtetit dhe gazetarët hulumtues, janë nën trysni dhe të kërcënuar. Edhe Komisioni Evropian shpesh u ka bërë thirrje autoriteteve në Shkup që të lejojnë mjetet e informimit të veprojnë lirshëm.