Draft Entry

Autoritetet e Beogradit thonë se të gjitha marrëveshjet duhet të jenë të paanshme ndaj statusit të Kosovës, përfshirë edhe procesin e zgjedhjeve për pushtetin komunal që do të mbahen më 3 nëntor. Prishtina ndërkaq thekson se mëdyshjet e Beogradit po bëjnë që të ngecë arritja e marrëveshjeve për telekomunikacionin e energjinë dhe të ketë vështirësi në procesin e zbatimit të marrëveshjeve të deritashme të arritura në bisedimet e ndërmjetësuara nga Bashkimi Evropian.