Shqipëri, firmat e veshjeve kërkojnë lehtësira

Konkurrenca e fortë e industrive në Ballkan i ka shtyrë firmat shqiptare të prodhimit të veshjeve, që të kërkojnë lehtësira fiskale nga qeveria. Dhoma e prodhuesve të veshjeve po bisedon prej 3 muajsh me qeverinë për disa lehtësira financiare, tatimore e doganore, në mënyrë që të përballojnë garën me firmat e tjera të rajonit. Shqipëria ka disa qindra firma prodhimi për veshjet, dhe rrobaqepësitë janë aktualisht ndër punëdhënësit më të mëdhenj në vend.