Shkarkimet e detyruara nga tre hidrocentralet e kaskadës së Drinit kanë sjellë në mëngjesin e sotem praninë e ujit në më shumë se 400 hektarë tokë bujqesore si dhe në mjaft sera plastmasi të komunës Ana e Malit, në zonën fushore të Nënshkodrës. Shtabi i emergjencave civile inspektoi nga afër situatën për të marrë masa për moszgjerimin e siperfaqes së përmbytur.
Ndërkohë, në komunat e tjera të Nënshkodrës nuk ka prani të ujrave nga shkarkimet e hidrocentraleve. Vitet e fundit, zona fushore e Nënshkodrës është përfshirë nga përmbytje masive dhe të përsëritura, dëmet e të cilave vazhdojne të ndjehen në këtë zonë.
Your browser doesn’t support HTML5
Shkarkimet e hidrocentraleve