Në Kaliforni, zjarrfikësit vazhduan sot betejën me zjarret, një prej të cilëve në perëndim të kryeqytetit të shtetit ka djegur mbi 20 mijë hektarë tokë që nga dita e shtunë.
Governatori Jerry Brown shpalli dje gjendjen e emergjencës në dy distrikte të prekura nga zjarret. Urdhëri i tij përfshin mobilizimin e ushtarëve të Gardës Konbëtare për t’i ardhur në ndihmë mijëra banorëve që janë detyruar të evakuohen.
Rreth 1 mijë e 500 zjarrfikës po përpiqen të venë nën kontroll zjarret që kanë shkatërruar 400 shtëpi. Katër zjarrifikës kanë marrë plagë nga djegia në përleshjet e tyre me flakët.
Në Kaliforni ka patur një mungesë të madhe rreshjesh dhe javën e kaluar ky shtet u prek nga temperaturat e larta, që e kanë lehtësuar përhapjen me shpejtësi të flakëve.