Një programues rus kompjuterash u arrestua dje në Barcelonë, ndoshta lidhur me hakerimet gjatë zgjedhjeve presidenciale amerikane.
Arrestimin e njoftoi një zëdhënës i ambasadës së Rusisë në Madrid, i cili nuk tha se përse personi në fjalë ishte marrë në paraburgim.
36-vjeçari Peter Levashov dyshohet se u ndalua me një urdhërarrest amerikan, ndërsa ndodhej me pushime në Spanjë me gruan. Zyrtarët amerikanë thanë se tani për tani nuk mund të jepnin asnjë informacion.