Problemet e pronësisë në fshat vazhdojnë të jenë problematike në Shqipëri. Sipas OXFAM ALBANIA dhe Qendrës për Nisma Ligjore Qytetare, rreth 90 përqind e çertifikatave të pronësisë në nivel kombëtar janë të regjistruara në emër të bashkëshortëve, gjë që ka rënduar pozitën e gruas në familje duke sjellë edhe pasoja në gëzimin e të drejtës së tyre të pronësisë.
OXFAM ALBANIA dhe Qendra për Nisma Ligjore Qytetare po punojnë prej tre vitesh në Malësi të Madhe për ndërgjegjësimin e grave për të drejtat e tyre.