Qeveria e Kosovës ende pa vendim për tarifat ndaj Serbisë

Në Kosovë, qeveria ende nuk ka marr vendim për heqjen e tarifës ndaj mallrave serbe, me gjithë paralajmërimet që një gjë e tillë do të ndodh shpejt, pas propozimit të kryeministrit Albin Kurti për heqjen e pjesshme të tyre. Por, ky propozim nuk po përkrahet nga diplomatët amerikanë, të cilët kanë paralajmëruar se mbajtja e tarifave në mënyrë të pjeshme dëmton ekonominë dhe se Shtetet e Bashkuara nuk do të harxhojnë ndihmat për Kosovën nëse udhëheqësit e saj dëmtojnë popullin e tyre në këtë mënyrë.