Fondi për Luginën e Preshevës

Kryetari i komunës së Preshevës, Shqiprim Arifi, u takua sot në Prishtinë me ministren e Jashtme të Kosovës, Meliza Haradinaj - Stublla, me të cilën diskutoi për projekte infrastrukturore dhe të fushës së arsimit. Takimi vjen disa ditë pasi Kosova dhe Shqipëria në takimin e përbashkët në Tiranë nënshkruan marrëveshje për krijimin e një fondi të përbashkët për Luginën e Preshevës, një rajon i banuar me shumicë shqiptare në jug të Serbisë.