Ndërkohë që në Shqipëri ka nisur fushata elektorale për zgjedhjet e reja parlamantare, ish të burgosurit dhe të përndjekurit politikë të regjimit komunist, shprehen të pakënaqur me vemendjen që po i kushtohet problematikave të tyre. Përfaqësues të tyre shprehen se, edhe 30 vite pas rrëzimit të diktaturës, ish të burgosurit politikë vazhdojnë të perballen me mospërfaqësim në strukturat shtetrore dhe moskompensimin e plotë të viteve që kaluan në burgjet e kampet e punës të diktaturës.