Ditari - Kosova nis zbatimin e reciprocitetit me Serbinë për targat e makinave

Duke filluar nga e hëna autoritetet në Kosovë do t'u kërkojnë makinave serbe të pajisen me targa të përkohshme të Kosovës për të hyrë në këtë vend, ashtu sikurse veprohet në Serbi. Reagon Beogradi. Në lagjen Bronks të Nju Jorkut u përurua qendra kulturore për komunitetin shqiptaro-amerikan, një investim prej më shumë se 8.7 milionë dollarësh. Qendra ofron mjedise për mësimin e gjuhës shqipe dhe organizimin e aktiviteteve të ndryshme kulturore e sportive. Kompania Pfizer njoftoi sot se vaksina e saj kundër COVID-19 është efektive edhe tek fëmijët e moshës 5 deri në 11 vjeç. Brenda këtij muaji ajo pritet të kërkojë autorizim në Shtetet e Bashkuara për përdorimin e vaksinës tek kjo grupmoshë.