Vdes në moshën 88 vjeçare ish-kryetari i Vatrës, Dr. Gjon Buçaj

Në Shtetet e Bashkuara, vdiq të shtunën ish-kryetari i Federatës Panshqiptare Vatra, Dr. Gjon Buçaj. Ai ishte 88 vjeç. Dr. Buçaj kontribuoi tek Vatra për dekada me radhë dhe ishte një figurë e njohur e aktivizmit shqiptaro-amerikan në Shtetet e Bashkuara. Në një intervistë për Zërin e Amerikës 10 vjet më parë me rastin e 100 vjetorit të Vatrës, ai foli për rolin e Federatës, përpjekjet e shqiptaro-amerikanëve për çështjen e Kosovës, si edhe për demokratizimin e Shqipërisë.