Bordi i Guvernatorëve të Rezervës Federale njoftoi të premten se ka mirauar blerjen nga banka zviceriane UBS të filialeve amerikane të bankës “Credit Suisse”, duke tejkaluar një tjetër pengesë të madhe në miratimin e marrëveshjes financiare të ndërmjetësuar nga qeveria e Zvicrës.
Lexoni edhe këtë Komisioni i Senatit: “Credit Suisse” shkeli marrëveshjen me SHBA-të për evazionin fiskalPas vite skandalesh dhe humbjesh, banka 167 vjeçare “Credit Suisse” u gjend në prag të kolapsit përpara se banka rivale UBS vëndosi ta shpëtonte nga falimentimi, duke e blerë atë, një manovër e miratuar dhe financuar nga autoritetet zvicerane. Gjigandi UBS u pajtua të blinte bankën Credit Suisse për 3.3 miliardë dollarë, një fraksion i vogël i vlerës së saj në treg para kolapsit.
Lexoni edhe këtë Credit Suisse pranon fajësinë për evazion fiskalAutoritetet zvicerane dhe banka UBS po përpiqen t’i japin fund sa më shpejt procesit të blerjes, me synimin për të ruajtur klientët e bankës Credit Suisse dhe punonjësit e saj, thuhet në një njoftim të mëparshëm nga agjencia e lajmeve Reuters.
Lexoni edhe këtë Udhëheqësit e BE-së minimizojnë rreziqet bankare ndërsa ekonomia dobësohetBanka UBS siguroi në fillim të muajit një miratim të përkoshëm nga rregullatorët antitrust të Bashkimit Evropian por ende ka nevojë për marrjen e miratimit në bazë të rregullave të BE-së për blerjen. Banka e Anglisë thuhet se ka dhënë pëlqim për blerjen, për sa u përket filialeve në Britani.