Në veri të Shqiperisë, vazhdoi puna edhe gjatë orëve të natës për të përgatitur procesin e votimit për të djelën.
Baza materiale është shpërndarë në pjesën dërmuese të qendrave të votimit, por në disa komuna të qarkut të Shkodres procesi i votimit rrezikon të dështojë për shkak të parregullsive të bazës materiale të votimit dhe mosmarrëveshjeve mes komisionerëve.
Ndërkohë, të shtunën vonë, në Shkodër shkoi Drejtori i Përgjithshëm i Policisë, Bajram Ibraj, i cili porositi policinë vendore për zbatimin e ligjit dhe paanshmëri në procesin zgjedhor. //az//