Udhëheqësi i përkohshëm afgan Hamid Karzai u takua me presidentin Bush në Shtëpinë e Bardhë për bisedime që u përqëndruan në çështjen e rindërtimit të Afganistanit si dhe në luftën e tanishme kundër talebanëve dhe rrjetit terrorist Al-Qaida. Zoti Karzai është udhëheqësi i parë afgan që viziton zyrtarisht Uashingtonin në rreth 40 vjet. Zoti Karzai, kërkoi zgjerimin në gjithë vendin të forcës shumëkombëshe të sigurimit e cila tani vepron vetëm në kryeqytetin Kabul.
