Autoritetet amerikane arrestuan 22 persona që dyshohen si pjestarë të një grupi shqiptar të krimit të organizuar në Nju Jork.
Prokurorët thanë dje se personat i përkasin organizatës Rudaj, e cila mban emrin e kreut të saj Aleks Rudaj.
Banda në fjalë akuzohet se ka përdorur dhunë dhe shantazh për të kontrolluar kazinot e paligjshme në lagjen Queens të Nju Jorkut.
Zyrtarët federalë besojnë se organizata vetfinancohej përmes aktiviteteve të paligjshme me lojrat e fatit. Pala akuzuese ka kërkuar kthimin nga shtatë prej të pandehurve të më shumë se 5 milion dollarëve.
Mendohet se kjo është hera e parë që një gjykatë federale amerikane ngre padi ndaj një grupi shqiptar të krimit të organizuar.//ii