Aktori komik amerikan Uill Ferrell u nderua mbrëmë në Qendrën Kulturore Kenedi në Washington me Çmimin e 14-të vjetor Mark Twain.
Ky çmim u jepet humoristëve më të mirë. Will Ferrell, i cili fitoi popullaritet sidomos me intrepretimin e rolit të ish-presidentit George Bush në shfaqjen televizive Saturday Night Live, përveç interpretimit në serialët e saj, ka interpretuar edhe në filma të mirënjohur humoristikë, si Anchorman: The Legend of Ron Burgundy, Talladega nights: The Ballad of Ricky Bobby, Old School and Elf.