Vdes aktorja dhe këngëtarja amerikane, Xhudi Garland
Më 22 qershor të vitit 1969, aktorja dhe këngëtarja amerikane Xhudi Garland u gjet e vdekur në apartamentin e saj në Londër. Garland, cila ishte 47 vjeç, vdiq me sa duket nga një mbidozë aksidentale e ilaçeve të gjumit. Prindërit e saj ishin artistë dhe Xhudi doli për herë të parë në skenë në moshën 3 vjeçare.
Ajo luajti për herë të parë një rol filmi nga fundi i viteve 20-të. XhudiGarland u njoh në gjithë botën, kur në moshën 17 vjeçare luajti rolin e Dorothit në filmin “The Wizard of Oz”. Kënga më e njohur nga ky film ishte “Over the Rainbow” (Përmbi ylber) dhe Xhudi Garland vazhdoi ta këndonte gjatë gjithë karierës së saj.
Ndonjëherë tingëllonte sikur vargjet e këngës pasqyronin pjesë të jetës së artistes. Megjithë popullaritetin dhe pasurinë e saj, lumturia personale e Xhudi Garlandit dukej e pakapshme prej saj..."diku atje përmbi ylber".
Garland kishte ëndëruar që të kthehej në skenat e Brodueit dhe pas vdekjes trupi i saj u kthye në Nju Jork, ku iu mbajtën edhe shërbimet e përmortshme. Aktori Xhejms Mejson, mik i artistes, me të cilin luajti në filmin “A Star is Born”, lexoi një elegji. Fjalët e tij rreth Xhudi Garlandit mund të përshkruajnë më së miri fuqinë e saj si këngëtare dhe aktore: “Talenti i saj më i madh se ajo mund të nxirrte lot nga zemrat prej guri”.
Gjykata e Lartë amerikane vendos kundër censurës
Më 22 qershor 1964, gjykata e lartë e Shteteve të Bashkuara mori vendim lidhur me 4 padi kundër censurës së librave dhe filmave. Në një prej vendimeve më të njohura, gjykata e lartë hodhi poshtë vendimin e një gjykate të shtetit të Floridës për ndalimin e librit të Henri Millerit me titull Tropiku i Gaforres.
Gjykata e Floridës kishte thënë në vendimin e saj se romani i Millerit kishte përshkrime dhe tema të pahijshme dhe imorale. Vendimi i gjykatës së lartë të Shteteve të Bashkuara më 1964 i hapi rrugën vendimit të vitit 1973 të gjykatës së lartë, i cili vendosi një provë ligjore për të përcaktuar se çfarë konsiderohej si e pamoralshme.
Prova e zgjedhur nga gjykata bazohet në interpretimin e një personi të zakonshëm, i cili në mbështetje me normat e kohës, do të nxirrte një përfundim lidhur me veprën, si një e tërë, dhe do të deklaronte nëse ajo portretizonte seksin në një mënyrë të hapur fyese siç përcaktohet nga ligji dhe nëse vepra letrare kishte apo jo vlera serioze.