Në Prishtinë, një gjykatës i Eulexit, lëshoi një urdhër për arrestimin e udhëheqësit të lëvizjes Vetëvendosje, Albin Kurti, meqë ai nuk pranon të paraqitet në gjykatat e drejtuara nga ky mision. Zoti Kurti akuzohet për përfshirje në protestat e 10 shkurtit të vitit 2007, gjatë të cilave humbën jetën dy persona dhe u plagosën dhjetëra të tjerë. Zhvillimet e këtij procesi gjyqësor kanë nxitur shumë reagime, duke vënë në pah mes tjerash edhe gjendjen ende të rëndë në sistemin e drejtësisë në Kosovë.