Bashkësia Islame e Kosovës, paralajmëroi sot se do të kërkojë ndërhyrjen e Gjykatës Kushtetuese nëse institucionet nuk shfuqizojnë vendimin e Ministrisë së Arsimit, që ndalon përdorimin e shamive të kokës nga besimtaret myslimane në mjediset arsimore në Kosovë.
Ndalimi i shamisë, që sipas autoriteteve bazohet në kushtetutën e vendit, ka nxitur edhe protesta, ndërsa Bashkësia Islame sot kërkoi që kjo çështje të zgjidhet në rrugë institucionale dhe njëkohësisht të hapet debati për futjen e lëndës së edukimit fetar në shkollat e Kosovës.