Dy deputete të parlamentit shqiptar që ndodhen në Uashington shprehën mendimet e tyre lidhur me rekomandimin e Komisionit Evropian që Shqipëria të marrë statusin e vendit kandidat për në Bashkimin Evropian. Kolegu ynë Ilir Ikonomi bisedoi me deputeten e Partisë Socialiste, Arta Dade, kryetare e Komisionit për Politikën e Jashtme dhe deputeten e Partisë Demokratike, Albana Vokshi, që kryeson komisionin për Punën, Çështjet Sociale dhe Shëndetësinë. Ato komentuan edhe për etikën në luftën e ashpër politike që zhvillohet mes shumicës dhe opozitës në parlamentin shqiptar.
