Në Prishtinë, Instituti Demokratik i Kosovës ka publikuar një studim sipas të cilit, shumica e qytetarëve presin që marrëveshja përfundimtare me Serbinë të përmbyllet me njohjen e shtetit të Kosovës dhe anëtarësimin e saj në Organizatën e Kombeve të Bashkuara. Në studim është përfshirë edhe roli udhëheqës i bisedimeve me Serbinë, çështje kjo që ka ngjallur debate të shumta në Kosovë.
