Përdorimi i drogës në Shqipëri ka filluar të zgjerohet duke prekur shtresa të ndryshme të shoqërisë dhe jo vetëm adoleshentët. Shifra jozyrtare e përdoruesve mendohet të jetë mbi 50 mijë nga të cilët mbi 6 mijë janë përdorues problematikë. Ndërkohë Shqipëria ka vetëm një qendër detoksikimi në spitalin ushtarak dhe tre qendra komunitare që ndihmojnë me terapi të droguarit. Për të folur më gjerësisht mbi situatën epidemiologjike të substancave, kishim të ftuar më 16 nëntor 2013 për një bisedë në studio zonjën Enkelejda Ngjelina me shoqatën Aksion Plus, e cila po kryen një program specializimi këtu në Shtetet e Bashkuara.
