Në Prishtinë, filloi edicioni i pestë me radhë i festivalit ndërkombëtar të filmit në të cilin po marrin pjesë kineastë nga vende të ndryshme të botës. Organizatorët thonë se festivali ka për qëllim të ofrojë mundësi për kineastët e Kosovës që të kontaktojnë e bashkëpunojnë me kolegët e tyre, por njëkohësisht festivali është pjesë e diplomacisë kulturore që synon promovimin e Kosovës edhe tek vendet që ende nuk e kanë njohur shtetësinë e saj.
